Кыргызстандын министрлер кабинетинин орун басары Эдиль Байсалов Улуттук илимдер академиясына 26 жаңы кызматтык унаанын ачкычтарын тапшырды. Бул окуя тууралуу өкмөттүн басма сөз кызматы билдирди.
Маалыматка ылайык, унааларды сатып алууга 44,8 миллион сом бөлүнгөн.
Эдиль Байсалов Улуттук илимдер академиясы мамлекеттен олуттуу колдоо ала баштаганын белгиледи. Анын кызматкерлеринин айлыгы эки эсе көбөйтүлдү. Ал ошондой эле илим тармагын мындан ары өнүктүрүү мамлекеттин көңүл борборунда кала берерин кошумчалады.
