Парламент мүчөсүнүн айтымында, кармалган адамдардын үй-бүлөлөрү кайрылып, жакындарынын УКЖда ылайыктуу тамактанууну албай жатканына нааразычылыктарын билдиришкен.
«Ар күнү туугандар үч жолу тамак алып келүүгө мажбур, бирок кээ бир тергөө астындагы адамдарга ал жетпейт. Тергөө астындагы адамдар — бул дагы кылмышка айыпталбаган адамдар экенин унутпашыбыз керек. Биз алардын тамактануу укугун камсыз кылышыбыз керек», — деп белгиледи Мавлянова, Жаза аткаруу мамлекеттик кызматынын (ЖАМК) өкүлдөрүнө кайрылып.
ЖАМКнын орун басары Нурлан Сарчаев тергөө астындагы адамдар үчүн үч маал тамактанууга күнүнө 120дан 160 сомго чейин бөлүнөрүн билдирди.
Ошентсе да, депутат бул сандар документте гана калып жатканын белгиледи.
