Ведомствонун расмий билдирүүсүндө «Кыргыз Республикасы эл аралык коомчулуктун күч-аракеттерин бириктирүүнү тынчтык жолу менен конфликтти чечүү үчүн БУУнун Уставына жана эл аралык нормаларга ылайык колдойт. Биз бардык тараптарды максималдуу сабырдуулук көрсөтүүгө, дароо согуштук аракеттерди токтотууга жана кырдаалды тынчтык жолу менен чечүүгө багытталган конструктивдүү диалогго кайтууга мүмкүн болгон бардык кадамдарды жасоого чакырабыз» деп белгиленген.
Мурда билдирилгендей, бүгүн Израиль жана АКШнын куралдуу күчтөрү Ирандагы ар кандай шаарларга жана аскердик объекттерге бир катар чабуулдарды жасашты. Жооп катары Тегеран Израильге жана региондогу бир нече өлкөлөрдөгү америкалык базаларга чабуул жасады. Иранга каршы аскердик операция башталгандыгын АКШнын президенти Дональд Трамп жарыялады.
