Маалыматка ылайык, көрсөтүлгөн маршруттар боюнча рейстер жумада үч жолу: шаршемби, жума жана жекшемби күндөрү Бишкекке, ошондой эле дүйшөмбү, шаршемби жана жума күндөрү Ошко уюштурулат.
***
28-февралда таң эртең Израиль Америка Кошмо Штаттары менен биргеликте Иранга каршы сокку уруп, Дональд Трамп Ислам Республикасынын ядролук программасын жок кылуу ниетин билдирди.Жооп катары Иран Израильдин жана башка Жакынкы Чыгыш өлкөлөрүнүн аймактарына, америкалык аскер базалары жайгашкан жерлерге чабуул жасай баштады. Соккулар Бахрейн, Катар, Кувейт, Абу-Даби жана Дубайга (БАЭ) ошондой эле Эр-Риядга (Сауд Аравиясы) жасалды.
Америкалыктар менен израильдиктердин операциясынын натыйжасында Ирандын жогорку лидери аятолла Али Хаменеи өлтүрүлдү, ал эми кийин алган жаракаттарынан анын жубайы - Мансуре Ходжасте да көз жумду.
Дональд Трамп ошондой эле Ирандагы операция төрт жумага созулаарын билдирди. Бул окуяларга жооп катары Иран АКШ жана Израилге каршы жихад жарыялап, эч кандай сүйлөшүүлөр болбой турганын айтты.
Жакынкы Чыгыштагы конфликттин эскалациясы дүйнөнүн бардык өлкөлөрүнө, анын ичинде Кыргызстанга да таасир этүүдө. Учурдагы кырдаалдын натыйжасында БАЭде миңдеген туристтер калып кетишти. Чет өлкөдөгү кыргызстандыктар үчүн элчиликтердин жана консулдуктардын байланыш маалыматтарын бул жерден табууга болот.
