Жаңы мекеменин негизги милдети жол куруу долбоорунун ишке ашырылышын көзөмөлдөө, ошондой эле мамлекеттик органдар, жергиликтүү өз алдынча башкаруу органдары жана подрядчиктердин аракеттерин координациялоо болуп саналат.
Кабыл алынган документке ылайык, дирекциянын штатында 13 кызматкер болот. Транспорт министрлигине жаңы мекемени юстицияда каттоодон өткөрүү жана анын материалдык-техникалык камсыздоосун уюштуруу тапшырылды.
Дирекциянын ишин каржылоону куруу үчүн бөлүнгөн каражаттардан, жалпы инвестициянын 2,9 пайызынан ашпаган суммадан жүргүзүлөт.
Мындан тышкары, токтом Транспорт министрлигинин структурасына жана курулуш объекттерине каражаттарды пайдалануу нормаларына байланыштуу бир нече өкмөттүк чечимдерге өзгөртүүлөрдү киргизет.
Бул документ кол коюлган күндөн тартып 10 күндөн кийин күчүнө кирет.
