Маалыматка ылайык, бүгүн Борбордук шайлоо комиссиясында Ташиевдин депутаттык мандатын алуу маселеси талкууланат. ЦИКтин жыйыны түштөн кийин башталат деп күтүлүүдө.
Эскерте кетсек, 13-мартта Шаирбек Ташиев Кыргызстандын Ички иштер министрлигинин тергөө башкармалыгына суракка барган. Азыркы учурда сурак кандай кылмыш иши боюнча өткөнү жана анын статусу тууралуу так маалымат берилген жок.
Акыркы апталарда Кыргызстандын социалдык тармактарында Ташиевдин финансылык маселелери жана жеке чыгымдарына байланыштуу сүйлөшүүлөрдүн жазуулары активдүү тарап жатат.
