Ведомствонун маалыматына ылайык, О.С.М. Ак-Суу районунун суу чарба башкармалыгынын жетекчисинин милдетин аткарып, 2018-жылдан 2025-жылга чейин кызматтык экскаваторду жеке адамдарга мыйзамсыз ижарага берип, алынган каражаттарды өзүнө ыйгарып келген.
Мыйзамсыз ижаранын натыйжасында экскаватор 625 миң сом киреше алып келген, бирок ал каражаттар башкармалыктын эсеп-кысабына түшпөгөн.
Мындан тышкары, техниканын үчүнчү жактар тарабынан көп жолу жана мыйзамсыз колдонулушу анын толук эскиришине алып келген. Экспертиза экскаватордун базар баасын 800 миң сом деп баалаган.
Ошентип, мамлекетке келтирилген жалпы зыян 1 миллион 425 миң сомдон ашты.
