Маалыматтарга ылайык, бул чечимдин негизинде 2017-жылдын 3-июлунда Баткен райондук сотунун чыгарган чечими турат. Бул чечимге ылайык, карызкер Ж.у.С. 2017-жылдын 24-апрелинен баштап, 18 жашка толгонго чейин Ж.к.С.нын баласын багуу үчүн өзүнүн кирешесинин 1/4 бөлүгүн төлөп турууга милдеттендирилген. Сот чечими тууралуу билдирүү алгандан кийин, карызкер өзүнүн милдеттерин аткарган жок. 2025-жылдын 1-сентябрына карата анын алимент боюнча карызы 501 821 сомду түздү.
Ошондуктан Баткен шаардык ички иштер бөлүмүнүн тергөө бөлүмүнө карызкердин аракеттерин юридикалык баалоо үчүн сунуш жөнөтүлдү. Натыйжада, ага Кыргыз Республикасынын Кылмыш-жаза кодексинин 178-беренесинин 2-бөлүгү ("Ата-энелердин балдарды багуудан качуусу") боюнча айып коюлду жана иш Баткен райондук сотуна өткөрүлдү.
2025-жылдын 22-октябрында Баткен райондук соту А.у.Ж. аттуу жаранды күнөөлүү деп тапты жана ага эки жылдык пробациялык көзөмөл белгиледи. Бирок жабыркаган тарап бул чечимге макул болбой, аппеляция берди. 2026-жылдын 2-февралында Баткен облустук соту биринчи инстанциянын чечимин жокко чыгарып, карызкер А.у.Ж.ны Кыргыз Республикасынын Кылмыш-жаза кодексинин 178-беренесинин 2-бөлүгү боюнча күнөөлүү деп таап, аны эки жылга эркинен ажыратты. Чечим чыгарылган учурда ал сот залында кармалды.
