Ички иштер башкармалыгына О.А. аттуу жарандан арыз түшкөн.
«Анын айтымында, 2022-жылдын 13-октябрында компаниянын директору Х.Р. андан 18 миң доллар алып, Көк-Жар конушунда курулуп жаткан үйдөн батир берүүгө убада берген. Бирок турак жай берилген жок, ал эми директор байланышка чыкпай калды», - деп айтылат билдирүүдө.
Мунун негизинде Кыргыз Республикасынын Кылмыш кодексинин 209-беренеси боюнча алдамчылыкка байланыштуу кылмыш иши козголду. 1966-жылы төрөлгөн шектүү табылып, кармалды жана азыр Бишкектин Ички иштер башкармалыгынын убактылуу кармоо жайында жатат.
Азыркы учурда укук коргоо органдары анын башка окшош кылмыштарга катышы бар-жоктугун тактап жатышат.
Маалымат:
Адилет министрлигинин маалыматына ылайык, компаниянын директору Хамдамов Русланбек Шерметович, ал эми негиздөөчүлөрүнүн арасында Чурмуков Асан Чотонович жана Хамдамов Русланбек Шерметович бар. Уюмдун негизги ишмердүүлүгү турак жай жана турак жай эмес объектилерди куруу менен байланыштуу. Компания 2006-жылдын 27-январында катталган жана 2025-жылдын 28-апрелинде кайра каттоодон өткөн.
