Иссык-Ата районунун ОВДсына 2025-жылдын 21-июнунда Люксембург айылынан бир тургун арыз менен кайрылган. Ал 2025-жылдын январь айынын аягында И.А. аттуу жаран өзүнүн шериктери менен биргеликте алдамчылык жолу менен анын батирине ээ болгонун билдирген. Андан кийин алар турак жайды өздөрүнө каттап, үчүнчү жактарга сатышкан.
Зыян тарткан жаранга 80 миң доллар өлчөмүндө зыян келтирилген, бул учурдагы курс боюнча 6 миллион 991 миң 200 сомго барабар.
Бул окуя боюнча Кыргыз Республикасынын Кылмыш кодексинин 209-беренеси (Алдамчылык) боюнча кылмыш иши козголду.
Укук коргоо органдары шектүүлөрдү аныктап, кармоого жетишти: 1995-жылы туулган И.А. жана 1994-жылы туулган М.Э. Алар убактылуу кармоо жайына жайгаштырылды.
Териштирүү уланууда.
