Бишкек шаарынын тургунунан милицияга түшкөн маалыматка ылайык, 16-январь түнүндө белгисиз кылмышкерлер анын Садырбаев көчөсүндөгү үйүнүн эшигин талкалап киришкен. Эс алууга кеткен үй ээлеринен пайдаланып, алар курулуш инструменттерин жана эки телевизорду уурдап кетишкен.
Алдын ала маалыматтарга ылайык, кылмыш жасалгандан кийин шектүү такси чакырып, уурдалган буюмдарды жүктөп, качып кеткен.
Бул факт боюнча Кыргыз Республикасынын Кылмыш кодексинин 205-беренеси (Уурулук) боюнча кылмыш иши козголду.
Милиция кызматкерлери 1987-жылы туулган К.К. аттуу эркек кишини кармашты. Ленин райондук соту ага электрондук көзөмөл (браслет) чарасын колдонуу чечимин кабыл алды.
Тергөөнүн жүрүшүндө кармалган адамдан уурдалган буюмдардан тышкары, ошондой эле материалдык далил катары таанылган велосипед да алынган.
Учурда милиция бул шектүүнүн башка окшош кылмыштарга катышы бар-жогун текшерүүдө.
Тергөөнүн жүрүшү уланууда.
