Октябрь районунун Ички иштер башкармалыгынын маалымат кызматынын маалыматына ылайык, 12-январда Х.А. жарандан 110 миң сом алып, Меккеге сапар уюштурууну убада кылган, бирок өз милдеттерин аткарбай, белгисиз тарапка качып кеткен.
Окуя боюнча укук коргоо органдары Кыргыз Республикасынын Кылмыш-жаза кодексинин 209-беренеси «Алдамчылык» боюнча кылмыш ишин козгоду. 2002-жылы туулган шектүү кармалып, учурда убактылуу кармоо жайында жатат.
Октябрь районунун Ички иштер башкармалыгынын сүрөтү. Хадж уюштурууну убадалаган эркек киши акчаны алып, изин жоготту
Ички иштер башкармалыгы бул алдамчынын курмандыгы болгон жарандар же анын тууралуу кандайдыр бир маалыматка ээ болгон адамдардан 0708707670, 0700555993, 0703459988 жана 102 номерлери боюнча маалымат берүүнү өтүнөт.
