Учурда кармалгандарга Кыргыз Республикасынын Кылмыш-жаза кодексинин 379-беренеси боюнча, документтерди жасалмалоо боюнча кылмыш иши ачылган. Бул иштин алкагында бир нече жеке авто мектебинин директорлору жана жалган окутууну уюштурган деп шектелген делдал кармалган. Тергөө версиясы боюнча, алар жарандарды мамлекеттик портал аркылуу каттап, аларга жасалма күбөлүктөрдү беришкен. Бир группанын аракетинин натыйжасында 244 адам катталып, 2 миллион 760 миң 850 сомдук мыйзамсыз киреше алынган.
Тергөө учурунда делдал башкарган кылмыштуу топ жасалма документтерди колдонуп, унааларды мыйзамсыз каттоо менен алектенгендиги аныкталды. ГУВДнын маалыматына ылайык, бул процессте «Унаа» кызматкерлери активдүү катышып, жасалма күбөлүктөр жана документтерди колдонуп, реестрлерге маалыматтарды жасалма киргизүү жана унааларды каттоо иштерин жүргүзүшкөн.
Башкы шектүүлөр кармалды: адис С.Д. жана дагы эки адис — К.У. жана У.А., алардын бардыгы 1997-жылы төрөлгөн. Сот алардын бир айга камакка алынуусу тууралуу чечим чыгарды.
Тергөө уланууда.
