Оперативдик маалыматка ылайык, 12-февралда саат 12:00 чамасында Кызыл-Ой айылдык аймагынын Суусамыр өрөөнүндө Бороондуу жайытында лавина түшкөн. Кардын астында жергиликтүү тургун Д.А., 1967-жылы туулган, калган. Маалыматка ылайык, эркек менен бирге кардын астында 50 баш кой жана бир ат болгон.
Окуя тууралуу маалымат Жайыл районунун өзгөчө кырдаалдар бөлүмүнө Кызыл-Ой айыл өкмөтүнүн башчысы тарабынан жеткирилген. Издөө-куткаруу иштерин жүргүзүү үчүн Өзгөчө кырдаалдар министрлигинин күчтөрү мобилизацияланган.
Бүгүн саат 06:00дө окуя болгон жерге Жумгаль районунан 5 куткаруучу кошумча келип жетти. Азыркы учурда издөө иштерине 24 куткаруучу тартылган.
Иштер уланууда, кошумча маалыматтар жаңы маалыматтар келип түшкөн сайын берилет.
