Милициянын маалыматына ылайык, 17-февралда "102" ысык линиясына телефон чалуу келип, Матыева көчөсүндөгү үйлөрдүн биринде белгисиз жаш жигит кыздарга наркотиктерди сунуштап жаткандыгы тууралуу маалымат берилген. Чалган адамдын айтымында, анын жээни ошол үйдө жана ага да тыюу салынган заттарды колдонууга сунушташкан.
Окуя болгон жерге келген укук коргоо органдарынын кызматкерлери алынган маалыматтарды тастыктап, үч адамды: эки кызды жана бир жигитти бөлүмгө алып кетишти.
Бул окуя боюнча КРнын Кылмыш кодексинин 287-беренеси боюнча кылмыш иши козголду, ал наркотиктерди, психотроптук заттарды жана алардын аналогдорун колдонууга тартуу менен байланыштуу.
Шектүү, 1992-жылы туулган К. Ж. Бишкек ШИИБинин убактылуу кармоо жайына киргизилди. Тагыраак иликтөө иштери улантылууда.
