Узген район аралык оорулардын алдын алуу жана мамлекеттик санитардык-эпидемиологиялык көзөмөл борборунун маалыматына ылайык, текшерүүнүн алкагында «Ал-Барака», «Азизууло», «Султан кебаб» жана «Муслим» кафелериндеги санитардык шарттар бааланган. Мекемелерге үч күндүн ичинде аныкталган кемчиликтерди жоюу боюнча көрсөтмөлөр берилди.
Текшерүүнүн жыйынтыгында «Ал-Барака» (Х.Н.) жана «Султан кебаб» (Т.С.) кафелеринин ээлери көрсөтмөлөрдү аткарбагандыгы үчүн 5 миң сом өлчөмүндө айыппул алышты.
2025-жылы 5 миң сом айыппулга тартылган «Муслим» кафеси бул жолу санитардык-гигиеналык талаптарды сактаганын көрсөттү. Борбордун кызматкерлери ээсине түшүндүрүү иштерин жүргүзүштү.
«Азизууло» кафесинин ээси (У.С.) боюнча эскертүү берилди, анткени 29-январда ал 5 миң сом айыппулду төлөп койгон», — деп билдирет борбор.
