Салык контролу учурунда, Мамлекеттик салык кызматынын кызматкерлери Бирдик айылында акциздик маркалары жок сигареттерди табышты. Бул тууралуу ведомствонун маалымат кызматы билдирди.
Рейд учурунда табак продукциясын башка транспорт каражатына жүктөп жаткан Mercedes-Benz Sprinter үлгүсүндөгү унаа токтотулду.
Текшерүү көрсөткөндөй, аталган унаада акциздик маркалары жок 21 900 пачка ORIS жана ZUMERRET брендиндеги сигареттер бар эле.
Муну менен байланыштуу тиешелүү актылар түзүлүп, Кыргыз Республикасынын мыйзамдарына ылайык зарыл процессуалдык чаралар көрүлөт.
Мындан тышкары, унаа бардык жагдайлар такталганга чейин атайын айып токтотуучу жайга коюлду.
