Ведомствонун маалыматы боюнча, Х.М. аттуу аял жазуу түрүндө арыз менен кайрылган.
Арызында ал 2020-жылдын октябрынан 2024-жылдын февралына чейин У.Т. аттуу жаран анын ишеними менен алдап, «Нова Сити» турак жай комплексинен батир сатып алуу шылтоосу менен акчасын алып кеткенин айтты. Жалпы суммасы $284 миң 267 долларды алдап алган, ал акчаны азыркыга чейин кайтарган жок, - деп белгиленген билдирүүдө.
Бул фактылар негизинде Кыргыз Республикасынын Кылмыш кодексинин 209-беренесинин 4-бөлүгү боюнча кылмыш иши козголду.
2026-жылдын 12-февралында Ички иштер башкармалыгынын кызматкерлери У.Т. аттуу 1980-жылы туулган жаранды ушул кылмышты жасаган шектүү катары кармашты.
Кармалган адам тергөө органдарына жеткирилди жана Кыргыз Республикасынын Кылмыш процессуалдык кодексинин 96-беренесине ылайык Бишкектеги убактылуу кармоо жайына жайгаштырылды.
Учурда укук коргоо органдары анын башка окшош кылмыштарга катышы бар-жогун тактап жатышат.
