28 жаштагы С.О.Б. аттуу жаранга таандык Daewoo Nexia унаасын тинтүү учурунда 101 грамм гашиш жана 155 миң сом табылган. Алынган акча жана наркотиктер кылмыш ишинде далил катары колдонулду.
34 жаштагы Д.С.С. аттуу жарандын жашаган дарегинде тергөө иштери улантылып, кызматтык ит колдонулуп тинтүү жүргүзүлдү. Натижада 4 килограмм 600 грамм гашиш, эки РГД-5 гранатасы, колго жасалган ок атуучу курал, 51 патрон, ошондой эле $2 миң жана 87 миң сом алынган.
Уюшкан кылмыштуу топтун уюштуруучусу 41 жаштагы К.С.С. болуп чыкты, анын үстүнөн да тинтүү жүргүзүлүп, афган гашиши табылган. Милициянын маалыматына ылайык, ал башка өлкөлөрдө наркотик кылмыштары үчүн мыйзам менен көйгөйлөрү болгон.
Үч шектүү камакка алынып, Ош шаарындагы убактылуу кармоо жайына жайгаштырылды.
Жалпы алынган наркотиктердин саны 4 килограмм 706 граммды, ошондой эле 2 гранатаны, ок атуучу куралды, 51 патронду, $2 миң жана 242 миң сомду түздү.
Учурда соттук-химиялык экспертизалар дайындалды жана кылмыштуу топтун башка мүчөлөрүн аныктоо боюнча иш-чаралар улантылууда.
