Свердлов районунун ИИБнин басма сөз кызматынан алынган маалыматка ылайык, 12-февралда саат 05:10 чамасында милицияга Шаардык клиникалык ооруканадан баш мээсинен жаракат алган эркек киши жеткирилгендиги тууралуу сигнал келип түшкөн, ал жакында комага түшүп калган.
Тергөө тобу 12-февралда Курманжан Датка көчөсүндө Т.М. аттуу жаранды белгисиз адамдар сөз талаш учурунда сабап кеткенин аныктады. Кол салуучулардын бири аны башына бир нерсе менен урган, андан кийин кылмышкерлер окуя болгон жерден качып кеткен.
Окуяга байланыштуу Свердлов районунун ИИБ тергөө кызматы Кыргыз Республикасынын Кылмыш-жаза кодексинин 130-беренеси (Ден соолукка оор зыян келтирүү) боюнча кылмыш ишин козгоду.
Кармалгандар Бишкек Шаардык ИИБнин убактылуу кармоо жайына жайгаштырылды.
Иштин тергелиши уланууда.
