Милициянын маалыматына ылайык, окуя 2026-жылдын 12-февралында таңкы саат 05:10 чамасында болгон. "102" кызматына шаардык клиникалык ооруканадан башына оор жаракат алган эркекти жеткирүү боюнча чакырууга жооп келген. Окуя болгон жерге тергөө-оперативдик топ жөнөтүлгөн.
Т. М. Курманджан Датка көчөсүндө жүргөндө, сөз талашып жатканда белгисиз адамдар тарабынан кол салууга учураган. Алдыдагы маалыматтар боюнча, ага башына так аныкталбаган предмет менен сокку урулган, андан кийин кол салуучулар окуя болгон жерден качып кеткен.
Бул окуя боюнча Свердлов районунун Ички иштер башкармалыгы тарабынан Кыргыз Республикасынын Кылмыш кодексинин 130-беренеси "Оор дене жаракатын келтирүү" боюнча кылмыш иши козголду.
Райондук башкармалыктын кызматкерлери Бишкек шаардык Ички иштер башкармалыгы менен кызматташып жүргүзгөн ыкчам иш-чаралардын натыйжасында шектүүлөр: С. М., К. А. жана Н. К. 1991-жылы туулган, аныкталып кармалды.
Кармалгандар тергөө кызматына жеткирилип, Кыргыз Республикасынын Кылмыш процессуалдык кодексинин 96-беренесине ылайык Бишкек шаардык Ички иштер башкармалыгынын убактылуу кармоо жайына жайгаштырылды. Тергөө уланууда.
