Окуя 2025-жылдын 16-декабрында Каинда шаарындагы LEGACY өзүн-өзү кызмат көрсөтүү автомойкасында болгон. 1994-жылы туулган Т.К. аттуу жаран милицияга белгисиз адамдардын топ болуп, физикалык күч колдонуп, хулигандык максатында ага дене жаракаттарын келтиргенин билдирди.
Окуянын фактысы катталып, дене жаракаттарынын деңгээлин аныктоо үчүн соттук-медициналык экспертиза дайындалды. Эксперт жабырлануучуга жеңил зыян келтирилгенин аныктады. Жыйналган материалдардын негизинде КРнын Кылмыш кодексинин 131-беренеси (Жеңил зыян келтирүү) боюнча кылмыш иши козголду.
Оперативдүү-издөө иш-чараларынын натыйжасында милиция кызматкерлери шектүүлөрдү — 1986-жылы туулган М.Т. жана 1989-жылы туулган М.Т. аттуу жарандарды аныктап, кармашты. Керектүү тергөө иш-аракеттери жүргүзүлгөндөн кийин алар убактылуу кармоо жайына жайгаштырылды.
Тергөө иштери уланууда, учурда болгон окуянын бардык деталдары аныкталууда.
