Бишкекте оперативдүү-издөө иш-чараларынын жүрүшүндө 1971-жылы туулган Л.С.В. аттуу жаран кармалды. Казакстандын укук коргоо органдары аны уюшкан кылмыштуу топ түзүү, алдамчылык жана ири уурдоолорго шектеп жатышат.
ИИМдин сүрөтү
ИИМдин маалыматына ылайык, бул иш боюнча зыяндын суммасы 183,6 миллион казак теңгесин түзөт.
Ошондой эле, Ысык-Көл облусунда жайгашкан Чолпон-Атада дагы бир чет элдик, 1980-жылы туулган К.Д.М. кармалды, ал дагы ири өлчөмдөгү алдамчылык үчүн издөөдө.
Укук коргоо органдарынын маалыматы боюнча, бул жаран башка атка берилген Кыргызстандын жарандыгы паспортуна ээ болгон. Учурда бул документти алуу мыйзамдылыгы текшерилип жатат.
Ички иштер министрлиги ошондой эле тергөө иштери улантылып жатканын маалымдады.
