Коомдук коопсуздук кызматкерлеринин маалыматына ылайык, иш-чаралардын өткөрүлүүчү жерлери мезгил-мезгили менен алмашып, ар дайым алдын ала ижарага алынган.
Милиция өкүлдөрү «коомдун руханий жана адеп-ахлактык баалуулуктарын коргоо, жаштардын моралдык чирип кетишинин алдын алуу, ошондой эле жарандарды, анын ичинде жаштарды, кылмыштуу иш-аракеттерге тартуунун алдын алуу максатында системалуу негизде профилактикалык жана оперативдик иш-чаралар өткөрүлүп жатат» деп баса белгилешти.
Натыйжада 2001, 1996, 2002, 1999 жана 2001-жылдары төрөлгөн беш кызга 109-берененин («Порнографиялык мүнөздөгү буюмдарды таратуу») негизинде административдик протоколдор түзүлдү. Алардын ар бири 10 миң сомго айып салынды.
Мындан тышкары, бул жабык иш-чаралар өткөн клубдардын биринин иши токтотулду жана ага айып пул салынды.
Милиция жарандарды коомдук моралдын нормаларын жана күчтөгү мыйзамдарды сактоого чакырып, порнографиялык материалдарды таратууга, анын ичинде интернет жана мессенджерлер аркылуу өткөрүүгө катышуунун кылмыш жоопкерчилигине тартыларын эске салды.
