Маалыматка ылайык, Лейлек РОВДсынын кызматкерлери 13-январдан 26-январга чейин райондун аймагында коомдук коопсуздукту жана коомдук тартипти камсыздоо максатында «Арсенал» аттуу профилактикалык иш-чара өткөрүүдө.
Иш-чаранын жүрүшүндө эки жаран тиешелүү документтерсиз эки даана тегерек курал, төрт газ-травматикалык пистолет жана 43 патрон тапшырды. Мындан тышкары, куралды сактоо эрежелерин бузган бир жаранга 3000 сом өлчөмүндө айып пул белгиленди.
Милиция кызматкерлери эл менен куралга байланыштуу окуяларды алдын алуу максатында түшүндүрүү иштерин жүргүзүүдө, ошондой эле документтери жок куралды өз ыктыяры менен тапшырган учурда кылмыш жоопкерчилигинен бошотуу мүмкүнчүлүгү тууралуу маалымат беришет.
«Иш-чара коомдогу терс көрүнүштөрдү алдын алуу, үй-бүлөлүк зомбулукту токтотуу жана жарандардын коопсуздугун камсыздоо максатында уюштурулган», - деп айтылат билдирүүдө.
