Автомобилден 2 кг 14 грамм наркотикалык зат табылды
Восток айылында милиция кызматкерлери чоң көлөмдөгү наркотиктерди ташып жүргөн транспорт каражатын токтотушту. Бул тууралуу Бишкектин Свердлов районунун Ички иштер башкармалыгынан билдиришти.
Мурда оперативдик кызматкерлерден А.А. аттуу жаран Жибек-Жолу проспекти менен Калинин көчөсүнүн кесилишинде наркотиктер менен байланышкан мыйзамсыз ишмердик менен алектенет деген маалымат келип түшкөн.
Оперативдик иш-чаралардын жүрүшүндө Восток айылындагы Калинин жана Озёрная көчөлөрүнүн кесилишинде «KIA Picanto» маркасындагы машина токтотулду. Автомобилдин ичин текшерүү учурунда А.А. жаран өз ыктыяры менен 2 кг 014 грамм салмактагы, ак пакетке салынган, өзгөчө жыттанган өсүмдүк келип чыккан затты берди.
Табылган затка соттук-химиялык экспертиза дайындалды. Алдын ала корутунду бул заттын наркотикалык каражат — каннабис (марихуана) экенин, тыюу салынган заттардын тизмесине кирерин тастыктады.
Токтотулган жаран убактылуу кармоо жайына жайгаштырылды. Кылмыш ишинин алкагында бардык зарыл тергөө иштери улантылууда.
Сүрөт www
