Облустук милиция тарабынан берилген маалыматка ылайык, 2026-жылдын 14-январында жергиликтүү РОВДга 1984-жылы туулган Ж.С. аттуу жаран кайрылган. Ал 2025-жылдын сентябрь айында Ж.Х. аттуу жаран 97 баш койду алып, ар биринин баасы 33 миң сом экенин айтып, эки айдын ичинде акчаны кайтарып берүүгө убада бергенин билдирген. Бирок, жабырлануучунун айтымында, убада кылынган каражат азыркыга чейин берилген жок.
Натыйжада, арыз берүүчүнүн тарткан зыяндын суммасы 3 миллион 201 миң сомду түзөт.
Сузак райондук РОВДнын тергөө кызматы бул окуяны Кыргыз Республикасынын Кылмыш-жаза кодексинин 209-беренеси ("Алдамчылык") боюнча каттап, кылмыш ишин козгоду.
Тергөө учурунда кылмыш иликтөө кызматкерлери шектүү — 1983-жылы туулган Ж.Х. аттуу жаранды табууга жетишишти жана аны суракка алып келишти.
Сузак райондук соту шектүүнү эки айга камакка алуу чечимин кабыл алды. Тергөө уланууда.
