А группа боюнча экинчи турунун беттеши 29-январда Джакартада өттү.
Ирактык оюнчулар биринчи таймдын акыркы мүнөтүндө пенальтини пайдаланып, эсепти ачышты.
Оюндун экинчи бөлүгүндө кореялык команда биринчи кезекте тең салмакты калыбына келтирип, андан кийин алдыга чыкты.
Оюндун акыркы бөлүгүндө ирактык команда талаага бешинчи оюнчуну чыгарып, оюн аяктоого үч мүнөт калганда эсепти теңестирди — 2:2.
Биринчи турунда Индонезиядан 0:5 эсебинде катуу жеңилген кореялыктар да бешинчи талаа оюнчусун чыгарып, акыркы мүнөттө бош дарбазага гол киргизип алышты.
Натыйжада Ирак командасы 3:2 эсебинде жеңишке жетишип, эки оюндан кийин 6 упай топтоп, группа боюнча биринчи орунду ээлеп калды.
Корея эки матчтан кийин упайсыз болуп, дагы эле теориялык жактан экинчи орунду ээлеп, плей-оффко чыгуу мүмкүнчүлүгүнө ээ.
А группа боюнча экинчи турунун башка беттешинде Индонезия жана Кыргызстан жолугушат. Оюн Бишкектин убактысы боюнча 18:00дө башталат.
А группа
1 турун, 27-январь
Кыргызстан - Ирак — 2:4
Индонезия - Корея — 5:0
2 турун, 29-январь
Корея - Ирак — 2:3
18:00 Индонезия - Кыргызстан
3 турун, 31-январь
18:00 Индонезия - Ирак
18:00 Корея - Кыргызстан
