Турнирге 16 улуттук команда катышууда, алар топтук этапта төрт группага бөлүнгөн. Бул раунддун аяктоосунда ар бир группадан эки мыкты команда чейрек финалга өтөт.
«Ак шумкары» деп аталган Кыргызстандын командасы A группасына кирди, анын атаандаштары Индонезия, Ирак жана Түштүк Корея командалары болду. Кыргызстандыктар биринчи оюнду бүгүн Ирак командасына каршы өткөрүшөт.
Футзал боюнча Азия Кубогунун 2026-жылдагы группалары
- A группа: Индонезия, Ирак, Кыргызстан, Түштүк Корея.
- B группа: Тайланд, Вьетнам, Кувейт, Ливан.
- C группа: Япония, Өзбекстан, Тажикстан, Австралия.
- D группа: Иран, Афганистан, Сауд Аравиясы, Малайзия.
КФСтин сүрөтү. Джакартада Футзал боюнча Азия Кубогу — 2026 башталды
Кыргызстандын командасынын оюн графиги
- 27-январь | 14:00 — Ирак — Кыргызстан.
- 29-январь | 18:00 — Индонезия — Кыргызстан.
- 31-январь | 18:00 — Кыргызстан — Түштүк Корея.
Эскерте кетсек, командалар турнирге катышуу үчүн квалификациялык этаптын жыйынтыгы боюнча орун алды, ал 2025-жылдын 20-сентябрынан 24-сентябрына чейин Азиянын ар кайсы өлкөлөрүндө өттү.
Футзал боюнча Азия Кубогу AFCнин жетекчилиги астында өткөрүлөт, ал эми Джакартадагы оюндар 7-февралга чейин уланат.
