Жаңы документке ылайык, улуттук инвестициялык долбоордун же мамлекеттик маанидеги долбоордун статусуна ээ болгон курулуш долбоорлорун ишке ашырууда жеңилдетилген салык салууну ала турган уюмдардын тизмесине 10-пункт кошулду.
| № | Уюмдун аты | Улуттук инвестициялык долбоордун жана/же мамлекеттик маанидеги долбоордун аты жана дареги | Мамлекеттик органдын аты | Салык боюнча берилген жеңилдиктердин түрлөрү | Уюмдун улуттук инвестициялык долбоорлорго жана мамлекеттик маанидеги долбоорлорго карата алган салык жеңилдиктери боюнча милдеттенмелери |
| 10 | Чектелген жоопкерчиликтеги коом «Премиум» 00502202410286 | - «Бишкек Арена» стадиону, дареги: Чүй облусу, Сокулук району, Орок айылы (контурлар № 70, 71, 76) | КР президентинин иш башкармалыгы | НДС ставкасы, анын ичинде импорттолуучу НДС жана сатуудан алынуучу салык нөл (0) пайыз | Курулуш долбоорун белгиленген мөөнөттө аяктоо |
Мындай чечим улуттук инвестициялык долбоордун же мамлекеттик маанидеги долбоордун статусуна ээ болгон объектилердин курулушун колдоо үчүн кабыл алынды.
КР Юстиция министрлигинин маалыматына ылайык, «Премиум» компаниясы 2024-жылдын 19-июлунда кайра катталган. Уюштуруучу жана жетекчиси Дурду Эрсин. Компаниянын негизги ишмердүүлүк багыты — турак жана турак эмес имараттарды куруу.
Маалымат: «Бишкек Арена» стадиону Бишкектин четинде жайгашкан Орок айылында курулууда жана Кыргызстандагы эл аралык деңгээлдеги эң ири футбол объектиси болот. Долбоор юрта формасындагы конструкцияны, сегиз кабаттуу трибуна жана FIFA стандарттарына ылайык 51 миң көрүүчүгө ылайыкташтырылган А категориясындагы гибриддик талааны камтыйт.
