Жарым финалдык этабында команда Самарканддан келген «Шердор» менен беттешти. Регламентке ылайык, жеңүүчүнү аныктоо үчүн командалар эки жеңишке чейин матчтар өткөрүштү.
1/2 финалдын биринчи жана экинчи оюндары 21 жана 22-февралда Ташкенттеги Humo аренасында өттү.
Биринчи беттеште «Учур» тогуз шайбалык айырма менен жеңишке жетишип, оюнду 10:1 эсебинде жыйынтыктады. Экинчи беттеште бишкектик команда дагы да ынанымдуу натыйжа көрсөтүп, 21:0 менен жеңди.
Ошентип, «Учур» серияны жалпы 2:0 эсебинде жеңип, турнирдын финалына чыкты.
Экинчи жарым финалда Ташкенттин «Хумо» жана «Бинокор» командалары беттешет.
