
Бишкекте учурда эл аралык спорттук күрөш боюнча машыгуулар өтүп жатат, ага ар түрдүү өлкөлөрдүн командалары катышууда. Кыргызстандын күрөш федерациясы билдиргендей, борборго Эстония жана Финляндиянын 17 жана 20 жашка чейинки аялдар курама командалары келип жетти.
«Жаштык» спорттук комплексинде өткөн машыгуулардын биринде Кыргызстандын күрөш федерациясынын вице-президенти Айсулуу Тыныбекова катышып, машыгууга келген кыздарга эстелик белектерди тапшырды.