Тантаналууу ачылыш 28-мартта өттү, деп билдирди райондук билим берүү бөлүмүнүн башчысы Жайдарбек Сыдыков. Бул жылы мелдештер «Доктрина (Унгужол) «Улуттук рух – дүйнөлүк бийиктиктер» демилгеси алкагында жана «Кылмышсыз келечек» урааны менен уюштурулган. Турнирдин негизги максаты — жаштар арасында дене тарбияны жайылтуу жана укук бузууларды алдын алуу.
Райондук этапка 18 орто мектептин командалары катышууда. Спортчулар волейбол, баскетбол жана футбол сыяктуу популярдуу спорттун түрлөрүндө таймашып жатышат.
Приздүү орундарды ээлеген командалар Ак-Тал районун облустук этапта көрсөтүү мүмкүнчүлүгүнө ээ болушат. Турнир уланууда, жакын арада облустук деңгээлде райондун намысын коргоо үчүн күрөшө турган мыкты мектеп командаларынын аттары белгилүү болот.
