Аденов бул чечим мурдагы иш-чаралардын тажрыйбасын эске алуу менен кабыл алынганын белгиледи. Артыкча салмак категориялары уюштуруу кыйынчылыктарын жаратып, мелдештердин динамикасына терс таасир этет.
«Көрүүчүлөргө бир спорттун түрү боюнча мелдештер бүт күнгө созулса, кызыксыз болуп калат. Спортчулар да чарчашат. Ошол эле учурда катышуучулар бир нече күрөш дисциплиналарына катыша алышат, бул дагы эске алынышы керек», — деп түшүндүрдү ал.
Анын айтымында, уюштуруу комитети көрүүчүлөрдүн эң чоң кызыгуусун жараткан жана ар кандай дисциплиналар арасында тең салмактуулукту камсыз кылган салмак категорияларын гана сактап калууга чечим кабыл алды.
Ошондой эле, теңдикти жана эл аралык тең салмактуулукту камсыз кылуу маанилүү аспект болуп саналат.
«Эгер биз кыргыз спорт түрлөрүнө гана көңүл бурсак, бул долбоорго кызыгуунун жоголушуна алып келиши мүмкүн. Башка өлкөлөр адилеттүүлүктүн жоктугун көргөндө катышууну токтотушу мүмкүн. Бул маселелерди биз эл аралык федерациялар менен алдын ала талкуулап, алар биздин позициябызды колдошот», — деп кошумчалады Нурсултан Аденов.
Секретариаттын башчысы салмак категорияларын кыскартуу оюндардын көркөмдүгүн жогорулатууга, спорттук атаандаштыкты сактоого жана эл аралык катышуучулардын Дүйнөлүк кочмондор оюндарына кызыгуусун тартууга багытталганын баса белгиледи.
