Ирандын Кызыл Жарты Ай коомунун берген маалыматына ылайык, АКШ жана Израил тарабынан жасалган чабуулдардын натыйжасында Иранда 555 адам каза болду. Бул маалыматты ирандык Fars агенттиги таратты. Гуманитардык уюм 131 шаар чабуулга кабылганын жана жардам көрсөтүү үчүн 100 миңден ашык куткаруучулар мобилизацияланганын билдирди.
Куткаруу жана курмандыктарды чыгарып алуу операциялары уланууда, жабыркагандарды ташуу жана медициналык жардам көрсөтүү кирет, деп белгилешти Кызыл Жарты Айда.
28-февралда уюмдун басма сөз катчысы чабуулдардын натыйжасында 201 адам каза болуп, 747 адам жаракат алганын, алардын арасында Минабдагы кыздар мектебинин окуучулары жана кызматкерлери бар экенин билдирди. 1-мартта шаар бийликтери бул мектептеги каза болгондордун саны 165ке жеткенин, жабыркагандардын саны 96 экенин маалымдашты.
Израилдик The Jerusalem Post булагынын маалыматы боюнча, Ирандын жооп чараларынын натыйжасында тогуз израилдик каза болуп, 121 адам жаракат алды. Ошондой эле кечээ Израилдин 12-каналы Бейт-Шемештеги трагедия тууралуу билдирди, анда алты адам ирандык баллистикалык ракетанын турак үйгө тийишинен каза болду.
