Документте Иранда тынч жыйындар мыйзамдуу статуска ээ экени жана талаптарды жана нааразычылыктарды билдирүү үчүн мыйзамдык механизмдер каралгандыгы баса белгиленген.
Мындан тышкары, элчилик болгон окуяларды төрт негизги этапка бөлөт.
Биринчи этап 28-декабрдан 31-декабрга чейин созулуп, базарларда жана профсоюздар арасында уюштурулган тынч акциялар менен мүнөздөлдү.
Бул мезгилде өкмөт профсоюздардын өкүлдөрү жана ишкерлер менен диалог баштап, алардын өтүнүчтөрүн угуп, натыйжада айрымдары күн тартибине киргизилди, нааразычылыктар сүйлөшүүлөргө орун берди, - деп маалымдалат пресс-релизде.
Экинчи этап 1-7-январь аралыгында нааразычылыктар күчөп, жаңы катышуучулар кошулуп, бул зомбулукка алып келди.
8-10-январда элчилик билдиргендей, нааразычылыкка куралдуу террорчулар кирип, полиция кызматкерлерине жана тынч жарандарга ок аткан.
10-январдан тартып, элчиликтин маалыматы боюнча, кырдаал көзөмөлгө алынды.
Ошондой эле пресс-релизде башаламандыкка себеп болгон факторлордун бири чет элдик кийлигишүү экендиги, ага каршы 12-январда тынч нааразычылыктар өткөрүлгөндүгү белгиленет.
Элчилик масштабдуу кыйроолор тууралуу да маалымдады, атап айтканда:
- ар кандай шаарларда дээрлик 200 дүкөндүн өрттөлүшү;
- 53 өрт өчүрүүчү унаага кол салуу, анын 8и толугу менен иштен чыккан, ошондой эле 180 тез жардам унаасын өрттөө;
- баш калаада 26 банкты талкалоо;
- баш калаада 25 мечитти жок кылуу;
- бүткүл өлкө боюнча 53 мечитти зыянга учуратуу;
- өкмөт имараттарына, полиция бөлүмдөрүнө жана мамлекеттик мүлккө кол салуу, ал эми куралдуу террорчулардан 1300дөн ашык курал алынган.
