Акыркы маалыматтар боюнча, Индонезиянын Батыш Ява провинциясындагы жер көчкүдөн жабыркагандардын саны 25 адамга жетти. Бул маалыматты өлкөнүн Табигый кырсыктарды башкаруу улуттук агенттигине шилтеме берип, Antara агенттиги билдирди.
Башында 17 адамдын каза болгону тууралуу маалымат болгон. Учурда 65 адамдын дайынсыз жоголгону боюнча издөө-куткаруу операциясы улантылууда. Бирок, күчтүү жаан, туруктуу эмес жер жана кайрадан жер көчкү түшүү коркунучунан улам издөө иштерин убактылуу токтотууга туура келди.
Трагедия 24-январда Батыш Бандунг аймагында, жамгырдын көптүгүнө байланыштуу жер көчкү Пасир Лангу айылына түшкөн учурда болду.
