Нигериянын улуттук нефть компаниясы (NNPC) Атлантика океанынын шельфинде, Нигер дарыясынын деңизге куяткан жеринде маанилүү ачылыш тууралуу маалымдады. Бул маалымат компаниянын расмий сайтында жайгаштырылган пресс-релизде берилген.
Компаниянын маалыматына ылайык, «NNPC Chevron Nigeria менен биргеликте Нигер дельтасынын батыш бөлүгүндөгү Awodi-07 изилдөө скважинасын ийгиликтүү буроону аяктады. Буроо натыйжалары үмүт берерлик, анткени алар жердин бир нече катмарында углеводороддордун бар экенин тастыктоодо», - деп айтылат билдирүүдө.
Жумуштар Гвинея булуңунда жүргүзүлдү, бул жерде суунун тереңдиги 12 метрге чейин жетет. Скважина 3,7 километр тереңдикке чейин буролуп, буроо учурунда жалпы жоондугу 205 метрге жакын бир нече нефть катмарлары аныкталды.
Компаниянын адистери жакын арада жаңы кенде бар нефть запастарын баалоону пландаштырууда.
