Вакцинация учурда «Bevac» препараты менен жүргүзүлүүдө. Координатордун айтымында, өлкөдө гепатит Bнин таралышына каршы багытталган масштабдуу иммунизация кампаниясы башталды. Негизги көңүл 25тен 65 жашка чейинки жарандарга, өзгөчө тобокел тобуна киргендерге бурулган.
Тобокел тобуна медициналык кызматкерлер, гепатит B менен ооруган адамдар менен байланышта болгон адамдар, сулуулук салондорунун кызматкерлери (парикмахерлер жана маникюр усталары да кирет), ВИЧ/СПИД менен жашаган адамдар, ошондой эле хроникалык оорулары бар жарандар, майыптар, түрмөдө отургандар жана аскер кызматкерлер кирет.
Махмаджунус уулунун маалыматы боюнча, Жалал-Абад облусунда вакцинацияга 447 939 адам кирет, анын ичинен бүгүнкү күндө 36 928 адам вакцина алганы белгилүү. «Аймактагы медициналык мекемелерде болжол менен 30 миң доза вакцина бар, ал эми кошумча 10 миң доза облустук Санитардык-эпидемиологиялык көзөмөл борборунун складында келип түштү. Дарыгерлер маалыматтык иш-чараларды жана калкты вакцинациялоону улантууда», - деп кошумчалады ал.
Мындан тышкары, облус боюнча 5 721 адам гепатит B, C жана дельта формасынан жабыркаган медициналык көзөмөлдө турат.
