Банктың маалымат кызматынын маалыматына ылайык, бул иш-чара дүйнөдөгү эң ири көргөзмө болуп саналат, ал монета өндүрүүчүлөрдү, монета сарайларын, улуттук банктарды, техникалык адистерди, коллекционерлерди жана нумизматтарды планетанын ар кайсы бурчунан тартат. Ар жылы көргөзмөгө 50дөн ашык өлкөдөн 300гө жакын катышуучу катышат.
Улуттук банктын көргөзмөгө катышуусунун негизги максаты - Кыргызстандын тарыхы жана маданиятын анын улуттук валютасы аркылуу көрсөтүү жана илгерилетүү.
Экспозицияда "Тарыхый окуялар", "Кыргыз каганатынын доору", "Кыргызстандын тарыхый жана архитектуралык эстеликтери", "Кыргыздын салттары жана ырымдары", "Улуттук музыкалык аспаптар", "Улуттук спорттун түрлөрү жана элдик оюндар", "Көчмөндөрдүн дүйнөлүк оюндары" жана "Кыргызстандын кызыл китеби" сыяктуу ар кандай серияларда чыгарылган 30дан ашык банкнота жана коллекциялык монеталар көрсөтүлгөн.
