2025-жылдын 1-ноябрынан 2026-жылдын 6-февралына чейин 173 904 Кыргызстандын жараны «Түндүк» мобилдик колдонмосу аркылуу кредит алууга өз-өзүнчө тыюу салуу кызматынан пайдалангандыгы тууралуу маалымат Улуттук банктан белгилүү болду.
Эскерте кетсек, «Кредит алууга өз-өзүнчө тыюу салуу» деп аталган жаңы финансылык коопсуздук механизми 2025-жылдын 1-ноябрында киргизилип, жарандардын жеке маалыматтарын алдамчылыктан коргоо боюнча маанилүү кадам болуп калды.
«Түндүк» колдонмосу аркылуу кредитке өз-өзүнчө тыюу салуу процессинин жүрүшү төмөндөгүдөй:
- «Түндүк» колдонмосун жүктөп алуу же ачуу.
- «Кызматтар» бөлүмүнө өтүп, «Кредитке өз-өзүнчө тыюу салуу» опциясын тандоо.
- «Ишеним» же «СЭС» бюросунан бирин тандоо.
- «Өз-өзүнчө тыюу салууну иштетүү» баскычын басып, процессин аяктоо!
Эгер «Кызмат убактылуу жеткиликтүү эмес» деген билдирүү пайда болсо, колдонмону жаңыртып, кайра аракет кылуу сунушталат.
