Талкуу учурунда депутат Нилуфар Алимжанова өлкөдөгү ирригациялык системаларды калыбына келтирүү жана тазалоо боюнча иштердин жүрүшүн көтөрүп, суу тарифтерин түзүүдө региондук өзгөчөлүктөрдү эске алууга чакырды.
Ошондой эле депутат Жылдыз Таалайбек кызы суу жоготууларын азайтуу максатында каналдарды бетон менен каптоону тездетүүнү сунуштап, БДР жана БСР куруунун маанилүүлүгүн белгиледи. Ал ошондой эле малдын терисин жана жүнүн кайра иштетүүчү заводду түзүү боюнча сунуш киргизди.
Депутат Азизбек Турсунбаев Ала-Бука районундагы Чанач-Сай жана Чаткал районундагы Суусамыр суу сактагычтарынын курулушунун абалына кызыгып, Чүй каналынын реконструкциясын тездетүүгө чакырды.
