Бул мамлекеттик компаниянын адистери биринчи эл аралык жүк жөнөтүүлөрүнө пломбаларды ийгиликтүү салып, эч кандай тоскоолдуктарсыз өткөрүштү.
Мурда мындай механизм республика ичинде гана колдонулуп келген, эми система ЕАЭБдеги интеграциялык кызматташтык алкагында иштей баштады.
Компаниянын маалыматы боюнча, биринчи этапта милдеттүү түрдө көзөмөлгө алынуучу товарлар төмөнкүлөр:
- алкоголь жана тамеки;
- белгилүү түрдөгү кийимдер, бут кийимдер жана электроника;
- санкцияларга кирген товарлар.
Пломбаны салып же алып салуу процесси 15 мүнөттөн ашпайт."Бул системаны киргизүүнүн максаты — жүк ташууларды ачык кылуу, контролдоо процедураларын азайтуу жана товарларды жеткирүүнү тездетүү," — деп белгиленет билдирүүдө.
ОАО "ГТИ" ЕАЭБ алкагында жүктөрдү көзөмөлдөө боюнча улуттук оператор болуп дайындалды жана тышкы экономикалык ишмердүүлүк катышуучуларына маалыматтык колдоо көрсөтүүнү улантууда.
Мониторинг жана анализдөө боюнча байланыш борбору 24/7 режиминде иштейт: 1205 ("Кыргызтелеком" абоненттери үчүн), +996 552 56 34 01 (WhatsApp / Telegram / MAX); ошондой эле электрондук почта: [email protected]
