Бул суроого өкмөт башчынын орун басары жана айыл чарба министри Бакыт Торобаев жооп берди. Ал министрлик учурдагы кырдаалды кылдат байкап, талдоо негизинде ар бир регион үчүн сугат суусун колдонуу лимиттерин белгилеп жатканын айтты.
Анын айтымында, министрликтин пландарында жакынкы беш жылдын ичинде 200 миң гектар жерге тамчы менен сугаруу системасын киргизүү бар.
«Биз тамчы менен сугарууга өтпөй турганча, сугат суусу менен камсыздоо маселеси сакталат. Заманауи сугаруу методдорун киргизүү зарыл», — деп баса белгиледи ал.
Депутат ошондой эле 2025-жылы Аксы жана Кербен фермерлери сугат суусунун жетишсиздигине туш болуп, бул алардын түшүмүнө терс таасир эткенин кошумчалады.
Ал фермерлерге тартылган зыян үчүн кызмат адамдарын жоопкерчиликке тартуу маселесин карап чыгууну сунуштады.
Бул учурда 2026-жылга жазгы талаа иштерине даярдык боюнча Кыргыз Республикасынын Суу ресурстары, айыл чарба жана кайра иштетүү өнөр жайы министрлигинен маалымат талкууланды.
