Бул системанын негизги милдети ветеринардык препараттарды каттоо боюнча арыздарды кабыл алуудан баштап, электрондук күбөлүктөрдү берүү менен аяктай турган процесстерди толук автоматташтыруу болуп саналат.
Автоматташтырылуучу негизги этаптардын арасында төмөнкүлөрдү белгилеп өтсө болот:
- электрондук форматта арыздарды кабыл алуу;
- коштоочу документтерди алдын ала текшерүү;
- QR-код аркылуу кызматтарды төлөө мүмкүнчүлүгү;
- лабораторияларга электрондук арыздарды жөнөтүү жана электрондук цифралык кол тамга (ЭЦП) колдонуу менен кол коюлган протоколдорду алуу;
- Борбордун директору тарабынан электрондук түрдө чечимдерди кабыл алуу;
- QR-код менен электрондук күбөлүктү түзүү;
- катталган ветеринардык препараттардын реестрин жүргүзүү;
- издөө жана аналитика үчүн модулду ишке киргизүү.
Ветслужбада билдиришкендей, арыз берүүчүлөр ЭЦП колдонуп, онлайн режиминде документтерди тапшырып, арыздарынын каралып жаткан процессин реалдуу убакытта көзөмөлдөп, статусу тууралуу актуалдуу маалымат алууга мүмкүнчүлүк алышат. Борбордон автоматтык түрдө электрондук жооп түзүлүп, жөнөтүлөт.
«Бул системаны киргизүү арыз берүүчүлөр, лабораториялар жана Борбор арасында электрондук документ жүгүртүүнүн бирдиктүү механизмин түзөт. Ошондой эле АИС башка мамлекеттик маалыматтык системалар менен интеграцияланат», - деп белгилешти ведомстводо.
