Берилген объекттер социалдык жана турак жай инфраструктурасын жакшыртуу үчүн арналган жер тилкелери жана турак жай эмес жайларды камтыйт.
Тактап айтканда, муниципалдык менчикке берилет:
– Эркиндик көчөсү, 11 дарегиндеги 7 218,5 кв. м аянттагы административдик имарат жана ага жапсарлашкан жер тилкеси;
– Ашуров көчөсү, 1/1 дарегиндеги 2 077,8 кв. м аянттагы жер тилкеси;
– Панфилов көчөсү, 34в дарегиндеги 352,6 кв. м аянттагы турак жай эмес имараттын экинчи кабаты жана 147,7 кв. м аянттагы подвалдын жарымы;
– Курманбек көчөсү, 8/2 дарегиндеги жалпы аянты 800 кв. м болгон турак жай эмес имарат.
Манас мэриясына көрсөтүлгөн объекттерди өзүнө алуу, мамлекеттик кайра каттоодон өткөрүү жана белгиленген максаттарга ылайык пайдаланууну камсыз кылуу тапшырылды. Ошондой эле, муниципалитеттин менчигин жоготууга жана контролду жоготууга алып келиши мүмкүн болгон аракеттерден качуу сунушталат.
Берилген объекттерди каттоо жана кайра каттоо менен байланышкан бардык чыгымдар Манас шаарынын мэриясына жүктөлөт.
Мындан тышкары, 2021–2026-жылдардагы «Менин үйүм» программасынын алкагында турак жай курулушу үчүн бөлүнгөн жер тилкелери тизмесинен 33-пункт алынып салынды, бул мурда 2024-жылдын 5-апрелинде Кабминдин № 126-р буйругу менен бекитилген.
Бул буйруктун аткарылышына президенттин администрациясы көз салып турат. Документти өкмөт башчы Адылбек Касымалиев кол койду.
