Иштетүүнүн бардык мезгилинде талап кылынган капиталдык инвестициялар $170-200 миллиондун чегинде болот.
Республикалык бюджетке салык кирешелери түрүндө болжол менен $650-700 миллион түшөт.
«Бул финансылык болжолдор алтындын учурдагы рыноктук бааларына негизделген. Биздин иш-аракеттерибиздин натыйжасында 600 жаңы жумуш оруну пайда болот», — деп кошумчалашты компаниядан.
Тоголок кенин иштетүүгө лицензия 2023-жылдын августунда берилген, андан кийин запастардын тастыкталышы үчүн активдүү геологиялык изилдөөлөр башталган. Бул иштер ЗАО «Кумтор Голд Компани» тарабынан каржыланат.
Учурда Ак-Шийрак айылынан 35 чакырымдык электр өткөргүч линияларын тартуу боюнча даярдык иштер жүргүзүлүүдө. Сары-Бель участогунда 10 мегаватт кубаттуулуктагы подстанция жана жылына 500 миң тонна руда иштетүүчү алтын чыгаруучу фабрика куруу пландалууда.
Ошондой эле Уч-Кошкон айылынан кенге чейин техникалык жол долбоорлонууда, Кайчи дарыясынан жаңы көпүрө курулууда.
Тоголокто толук масштабдагы кен казуу иштерин ушул жылы баштоо пландалууда. Биринчи руда 2026-жылы алынат, ал эми биринчи Доре сплавы 2027-жылы эритилет деп күтүлүүдө.
Кенди иштетүү процесси 16 жылга эсептелген жана эки этапка бөлүнөт. Жалпы алтын өндүрүү 16 тоннага жетет:
- биринчи этапта 6 тонна алтын ачык ыкма менен жети-сегиз жылдын ичинде өндүрүлөт;
- экинчи этапта - 10 тоннанын үстүндө кымбат металл жер астында өндүрүлөт.
