«Ынтымак Ордо» борборунда өткөн республикалык жыйындын жүрүшүндө, өкмөт башчынын орун басары, ошондой эле суу ресурстары, айыл чарба жана кайра иштетүү өнөр жайы министри Эрлист Акунбеков 2025-жылы фермерлер жана дыйкан чарбалары үчүн 2 069 бирдик айыл чарба техникасы лизингге берилгенин, анын жалпы суммасы 7,2 миллиард сомду түзгөнүн билдирди.
Министрдин айтымында, бул көрсөткүч өткөн жылга салыштырмалуу 2,6 миллиард сомго өсүп, 876 техникага көбөйгөн. Маалымат үчүн, 2024-жылы 1 193 бирдик 4,6 миллиард сомго берилген.
Акунбеков ошондой эле өлкөдөгү жалпы айыл чарба техникасынын саны 92 миң бирдикке жеткенин белгиледи.
