Кыргызстанда товарларды экспорттоодо фитосанитардык нормаларды бузуунун алдын алуу максатында активдүү маалыматтык кампания башталды. КРнын суу ресурстары, айыл чарба жана кайра иштетүү өнөр жайы министрлиги химиялаштыруу, өсүмдүктөрдү коргоо жана карантин департаментинин ар кандай аймактык башкармалыктарында тышкы экономикалык ишмердүүлүк (ТЭИ) катышуучулары менен жолугушуулар өткөрүүдө.
Бул жолугушууларда жүк алгандардын так жана ишенимдүү даректерин берүү зарылдыгына көңүл бурулат. Ведомство бул чара жалган маалыматтарды фитосанитардык сертификаттарда берүү практикасына каршы күрөшүүгө багытталганын белгилейт.
Бул талаптарды бузган экспортчулар үчүн катуу санкциялар каралган. Эгерде бир жылдын ичинде кабыл алуучу өлкөнүн ыйгарым укуктуу органы жалган маалыматтар боюнча эки билдирүү каттаса, жабдуучүгө фитосанитардык сертификат берүүден баш тартылат. Сертификацияга тыюу 60 календардык күн бою күчүндө болот, бул фактически экспорттук ишмердүүлүктү убактылуу токтотууну билдирет.
Департаменттин адистери документтерди толтуруу эрежелеринин так сакталышы эл аралык өнөктөштөрдүн ишеними үчүн маанилүү роль ойнорун жана кыргызстандык айыл чарба продукциясынын чет өлкөлүк базарларга эркин кирүүсүн камсыздай турганын баса белгилешет. Экспортчулар сертификаттоо үчүн арыз берерден мурун контрагенттер тууралуу маалыматты кылдат текшерүүнү сунушташат, бул финансылык жоготууларды жана репутациялык тобокелдиктерди болтурбоо үчүн.
