Бул мыйзам долбоорунун демилгечиси Министрлер кабинетинин төрагасы болду.
Улуттук инвестиция агенттигинин орун басары Жалын Жээналиев мыйзам долбоорунун максаты өлкөдөгү инвестициялык климатты жакшыртуу жана стартаптар менен инновациялык ишканаларга венчурдук инвестицияларды колдоо экенин белгиледи. Бул заманбап рыноктун талаптарына жана венчурдук ишмердүүлүктүн эл аралык стандарттарына ылайык инвесторлор үчүн кепилдиктерди берүү жана ыңгайлуу укуктук режимди түзүү аркылуу ишке ашырылат.
Документте «венчурдук финансылык (инвестициялар)», «венчурдук инвестор», «венчурдук башкаруучу», «венчурдук фонд», «бизнес-ангел», «стартап», «опциондук келишим» жана «опциондор пулу» сыяктуу терминдерди мыйзамга киргизүү сунушталууда.
